【本報訊】金鐘昨有近百戴口罩人士手持𠝹刀及鉗等打算清除路障，有份幫忙佔領銅鑼灣區的前線義工擔心，有人看準人數疏落時會突襲該區，故特意到銅鑼灣看守，免得有人乘虛而入。
施放催淚彈當日，飛雲與一眾示威者從灣仔飛奔銅鑼灣，打算一併佔領該區，附近市民看見遠處烽煙四起，便一同搶鐵馬幫忙封路。雖為封路先鋒，但他自本月二日起便一直駐守金鐘，只透過手機群組密切留意銅鑼灣情況，直到昨日傳出有團體會自行清場，才急急回來觀察形勢。他最擔憂是各佔領區同時間被清場，屆時各區必自顧不暇，「如果對方出動到勾車，就無得玩㗎喇。不過透過網絡聲援，失守都隨時佔得番」。
盼「離地中產」站出來
站在前線，他只想保護最先衝出來的一群學生，「佢哋不過想保住僅存嘅尊嚴同骨氣，唔單止表達訴求，而係想要番細細個佢哋擁有過嘅香港，大家都知今次係最後嘅機會」。他更希望被指「離地中產」的市民支持，「唔付出唔會得到任何嘢，既然學生有咁堅強嘅心，點解唔企出來幫佢哋爭取？只要佢哋（中產）肯企出來，運動就可以贏」。