人民力量主席袁彌明昨日到金鐘力撐學生，在前線撞正反佔中和口罩黨到場搞事。袁彌明昨日在電話中說：「朝早有警方移開部份路障，咁啱又有有口音嘅人同一啲黑社會人士出嚟，當我哋向警方投訴，佢哋話見唔到，其實我哋有義工都俾人打咗幾搥，有學生又俾人𠝹傷咗手，場面好緊張。」袁彌明強烈譴責反佔中人士暴力行為：「佢哋先係暴徒，警方偏袒佢哋好無能。」
林建明昨日親到銅鑼灣後在電話回應：「今日有坐低慰問學生，我都為呢件事喊過幾次，好心痛，冇陰功。」有傳黑社會介入清場行動？她說：「如果真係就好『揦鮓』。」
採訪：劉敏
【全城熱話】文恩澄：有人引起混亂
昨日有大批戴口罩人士到金鐘進行清場行動，關心佔中發展的藝人紛紛譴責暴力事件。
文恩澄：
「今日喺集會現場人士明顯多咗，但都有人嚟引起混亂，我哋都同金鐘嗰邊保持聯絡，學生都幫受影響巿民同商舖，將影響減到最低。」
田蕊妮：
「『選擇題』點解一班反佔中人士落去清除路障要戴口罩？（a）容易被同伴識認（b）無面目見人（c）個個都有病？」
張寶華：
「現在是黑社會治港嗎？RIP. HK Govt！」