【本報訊】不少商販指摘佔領行動嚴重影響生計，要求盡快清場。位於銅鑼灣旺區的食肆東主雖不支持佔領行動，並指初期生意額的確受打擊，但近幾天的營業額幾乎回復至佔中前的水平。
反對清場團體
日本料理「雷橋燒肉」負責人馬先生稱，平日生意額約有二至三萬元，佔領運動發生後，跌至只有五、六千元，「最嚴重係頭四日，九成客都話擔心安全，要取消訂位」。
他形容情況「慘過打風」，上月嚴重蝕本。儘管擔憂生意長此下去會撐不住，但眼看天氣熱又下大雨，心痛學生露宿街頭，決定開放店面給他們休息，又提供洗手間、手機充電與食水。
他指初時也不時有市民上來，當義工站有物資、充電站供應後，學生也沒再上來。「雖然我唔支持，但都有落去睇下，見到佢哋都好安靜、和平」。
店舖位於軒尼詩道，正前方是佔領區，運動剛開始時，連負責運輸食物的公司也無法送貨。但數天後問題便解決，「佢哋識執生㗎喇，泊喺附近推車過嚟又得，𠵱家日日都準時送貨」。生意欠佳，馬先生也被迫削減人手，「我哋有10個兼職，冇生意咪叫佢哋唞吓，佢哋都明嘅，都有員工支持佔中」。
至上周五客人開始回流，「生意回升到每日約三萬元，同上年同期差唔多，𠵱家都唔擔心」。對於有團體開始自行清場，馬先生表明反對，「大家都有自己嘅難處，唔應該咁激烈，點都好，總有路行到嘅！」。