香港人一夜間從Hongkonger變成Umbreller，撐一把曾經擋過胡椒噴劑和催淚彈的遮，在夏慤道天橋上看月全食，原來也會被誣蔑為「外國勢力」。
某報主筆早在撐遮運動前潑冰水指「國際社會已經不怎麼care香港」，實在，邊有咁多外國勢力得閒睬你。香港人自求多福，這個時候，正好發揮周星馳crossover黃子華的本土精神，從政總開始，高級公僕別再嚕囌冇樽裝水可替換，冇文具可用，無訪客車輛進出，放大這些婆仔數只凸顯公僕唔識新世代公民定義，不食人間tear gas只顧高薪糧準，世界邊有咁正？男神肯定唔到你擒，周圍都是周融這種貨色！香港就是這樣，好好醜醜，今日只不過馬路被堵，又不是伊波拉襲港，去唔到崇光，唔恨跟強國人逼，沙田就錄到上升的消費額。公僕經常做災難應變綵排，這次，堵塞才幾條馬路，香港會衰得過解放軍鎮壓？借金融術語一用：市場已經消化了開遮行動，樓市沒震傘效應。發動所謂的25萬同鄉會，包車包飯組織再來抽水亂港，會成功？真是天方夜譚！