【本報訊】一場「雨傘革命」，令民主種子遍地開花，偌大的佔領空間亦令本土藝術百花齊放。每個佔領區也有大量市民、學生創作出特色的藝術品，成為佔領者的標記。插畫家Carol Hung的畫迷將她的作品張貼於金鐘佔領區，意外令不少市民認識她的插畫，「希望我嘅插畫令大家嘅心情輕鬆啲，睇完會會心微笑」。
神秘畫迷於金鐘四圍貼
Carol的插畫以描述白領及香港人的生活小趣事居多，她自認不太留意政治，自覺對事件未有足夠了解，但與很多港人一樣，目睹警方施放催淚彈後，無法再坐視不理，決定到銅鑼灣與學生一起佔領街頭，「好震撼，連我𠵱啲對政治唔大感覺嘅人，都好想去表達。我做唔到啲乜㗎，但都好想落嚟」。
即使曾發生暴力事件，男友擔心她安全勸她不要到現場，她仍不顧一切到場搬物資，「我諗住嚟睇下㗎咋，但見到佢哋（學生）落住雨好狼狽嘅樣，覺得好心痛」。
任職設計師的Carol，至今已經創作了八、九幅關於罷課、佔中主題的插畫，其中英國柏靈頓熊手執黃雨傘和保鮮紙，面對防暴警察的盾牌，表現出無辜、呆滯的可愛樣子，吸引了近七千點擊率，大受網民歡迎，更有神秘畫迷於金鐘佔領區四處張貼。
她笑指自己怕未經許可張貼街招是違法，但認為只要有人敢開先例，便會有人追隨，就好像這次運動。
「可能喺好多香港人心入面都會想咁做，差在大家都唔敢，如果有先鋒，就可以激發其他人一齊捍衞心中嘅信念」。她感激一班願意犧牲的學生和示威者，「多謝佢哋肯行出嚟，踏出呢一步，令我覺得香港係有希望同未來」。
