陳豪與廖碧兒（Bernice）分手多年，雖則各走各路，但情況就大不同，陳豪與陳茵媺（Aimee）婚姻幸福，即將迎接第二個孩子出生；Bernice則緋聞一大籮，最近又有傳她好不甘心，妒嫉陳豪太幸福，上月以4萬元月租大埔比華利山一個約2,700呎單位，而且更正正與陳豪為鄰，陳豪拖住老婆Aimee、囝囝出街，隨時會撞到正。
碧兒：唔知陳豪住嗰度
昨日陳豪、琦琦，汪琳與囡囡及老公、名模趙嘉懿和囝囝等，在尖沙嘴出席「Kinder＋Sport童跑同樂馬拉松2014」親子活動，陳豪避忌拒談：「唔好意思，唔方便回應。」追問他封嘴是否怕Aimee介意？陳豪不諱言：「唔太方便講，我哋𠵱家係一個好開心嘅家庭，以前嘅事已經過咗去，希望人人生活都好。」至於Bernice昨日接受電話訪問，否認與陳豪做鄰居，她說：「我唔係住大埔，嗰度係我家姐屋企，我平時如果喺附近行山就會去探家姐，事前我亦唔知陳豪住嗰度。」
此外，琦琦表示囡囡Ella前日跑步不慎跌傷，老公任達華經常鼓勵囡囡做運動。最近有報道指華哥有意投資在深水埗買舖，琦琦說：「其實已經有㗎喇！佢一向鍾意投資地產，覺得舖最好，磚頭實在啲，我就鍾意買股票，我好佩服佢嘅眼光，不過佢都係為個女，同埋家庭有更好嘅生活。」另外，汪琳表示暫時不會重返幕前，想陪伴女兒成長。
採訪、攝影：藍文浩
