自從狼振英上場，香港突然多咗班左到上心口嘅「愛」字頭組織湧現，不時發表膠論博上位，而港台逢星期日舉行嘅王牌節目《城市論壇》，可以話係佢哋其中一個據點，唔單止喺場外開大聲公不停講粗口辱罵嘉賓甚至主持，就連場內發言，明知直播都疑似爆粗。
話說噚日城壇討論政改，有個撐警兼反佔中嘅阿伯批評公民黨黨魁梁家傑，冇乜論據之時，卻不停話「×黨」最叻造謠唆擺人。主持謝志峰即場問佢係咪有爆粗？但有人敢講唔敢認，之後謝志峰話佢可能係講「乞兒黨」，唔知有心定有鄉音，所以唔追究喎！到底×係咩字﹖大家將「乞兒」二字好快咁讀一次就明㗎喇！