張慧儀昨日在山頂出席「心連心慈善步行」，分享她與患有先天性心臟病囝囝Hanson經歷，但Hanson返學，故未有同行。慧儀表示當初領養Hanson時已知他有病，她說：「佢係一個孤兒，又有病，令我有份使命感，或者係緣份。」慧儀去年拍劇，Hanson突然發高燒不退，令她好擔心：「佢本身氧氣度只得百分之七十幾，私家醫院唔敢收佢，於是轉去伊利沙伯醫院，我喺劇組放飯飛的士出去，佢一見到我就喊。」會否減少工作？她說：「都要工作嘅，佢嘅醫療同教育係我一個大負擔，我生意繼續做，有適合劇本就會拍。」慧儀透露本月28日係囝囝11歲生日，屆時會切生日蛋糕慶祝。
採訪、攝影：黃曉妍
