雨傘革命最厲害之處，係令香港全民覺醒，無論係大人同小朋友，都知道真普選係幾咁重要！近日網上瘋傳一張一位中三學生回應通識科問題嘅答案，足證呢場運動有幾成功。話說有通識科出咗條題目：你認為是什麼因素驅使了「928雨傘運動」的形成呢？作答嘅學生，最初列舉一串數字「64+71+101+689+3=928」，結果換嚟一個大交叉：這不是數學題。學生即時改正，答案令人叫絕：64事件＋71回歸+101國慶+689執政+3人組（政改），咁仲唔係促成928雨傘運動嘅原因？雖然唔知呢件係真人真事定網民惡搞，但已經令好多人發出會心微笑。