重辦嘅第4屆維港泳噚日喺鰂魚涌公眾碼頭圓滿結束，水質同比賽安排一向係泳手同記者焦點之一，香港亞運游泳代表謝旻樹同前香港代表彭蘊瑤，不約而同對起步混亂一肚氣。
「我第一次參加維港泳，落到水感覺真係幾好玩，賽道都唔錯，但開步時（在鯉魚門三家村公眾碼頭），大會唔等人上晒起步位就鳴笛，好亂，搞到我要喺人群後面，等前面人跳落水後我至落到水。」23歲嘅亞運代表謝旻樹第一次參加渡海泳，原本滿有信心要游第一，點知最後得第4。第2次參賽嘅前香港游泳代表彭蘊瑤，亦話今日起步比去年混亂：「上年兩組一齊出發，今年加到4組，太多人塞住跳水位，又唔敢同男泳手們搏過，惟有讓人先落水，多少會影響完成時間。」國際組男女子第一名分別是新加坡的Boon Brandon (16分43秒）及香港的陳靜汶（17分16秒）。
重返維港無期
賽事主委兼泳總主席王敏超回應，因要趕及一個半小時內交還海道，才被迫要多組一齊出發，佢話希望明年會改善，至於大家想重返維港，王敏超話始終水質仍未解決，暫時重返無期。
識睇，一定係睇足英台【英波Live】：
http://soccer.appledaily.com
http://bit.ly/engballlive