【壹週刊】每年萬聖節都去海洋公園哈囉喂，十年如一日，入場票仲要愈來愈貴，今年一於玩盡啲，去挑戰新加坡鬼屋！
最大型萬聖節活動有環球影城舉辦的萬聖節驚魂夜，動員多達444隻嘩鬼，造型逼真入戲，又唔會一味催你行快啲。題材夠新鮮，戶外扮西部荒野，又有撞鬼撞到上外太空。四間鬼屋加四個恐怖區，比海洋公園更驚嚇。
最 震撼的是紐約區的「魔掌天下」，本身兩邊的懷舊建築物熄晒燈，加埋崩塌的自由神像及扭曲的地鐵，好似世界末日的死城。另一個「古老的詛咒」，原本的古埃及 區變成西部荒野，四周放滿三角形帳篷，鬼怪穿起牛仔及民族裝束，人多勢眾，成堆人追着我們狂叫，嚇到我拔足狂奔！「暗角妖怪」內的小朋友個個陰沉，完全唔 可愛，邊行邊感受到陰森恐怖的遊樂場。「童話噩夢」內有邪惡版長髮公主、被吊死的美人魚，樹林般的場景更添詭異，美麗童話化成黑暗鬼古，愈行愈腳震！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/