3D打印公仔,好多人都想玩!不過唔係個個識畫3D圖像,所以大家暫時只可以做住飯來張口!早前香港玩具店返咗一批香港街道特色嘅Figure,好似有香港路牌、垃圾桶、水龍頭呀咁,不過用嚟砌場景,硬件缺咗啲靈魂;剛剛落深水埗模型老店福利,竟然俾我發現咗呢盒嘢,就係早前香港路牌情景嘅3D打印加強版,裏面會多咗隻3D人偶公仔,亦即係老闆女--福菇,而且手上仲抱住響朵早過忌廉哥嘅貓店長DiDi,價錢暫時未發佈,香港只此福利模型有得賣,聽講呢種咁香港地道嘅3D打印Figure,絕對係香港首次,而福利嗰邊仲特別做咗100張背景紙等大家砌情景。
福利模型(深水埗元州街66A地下)
記者:朱崇德