邊個夠我黑？我係「紫電明珠」呀！上季經常抽外檔，返嚟都係輸少少，到我抽番內檔嘅時候，狀態又落咗，所以成日贏唔到累人輸錢。今次好彩啲，抽二檔起步，希望贏番場啦！
喂！你都唔算好黑啫！我係「人強馬勁」，上季有一場本來有機會贏，點知俾其他馬封住條路，想上都上唔到，賽後想提抗議，又因為競賽小組溝通問題趕唔切抗議。最近一場又係俾人阻到飛起，真係唔知衰乜？
講到黑都唔及我啦，我係「秋月春風」。上季我連續三場輸頸位跑第二，之後一場出閘又有意外，P都冇埋，暑期時被嗰個馬華力頒咗個「黑氣纏身獎」俾我。諗住今季好啲，點知上仗終點前又係俾人劏咗，唉！真係一殼眼淚。今次希望趁住強手「野孩子」退出贏番場。