徐子淇昨晚到尖沙嘴一酒店，出席為愛滋病患與遺屬籌款的智行慈善基金會慈善籌款晚會，同場還有恒生新抱何培倩及汪詩詩。身穿Prada晚裝，胸前別上紅絲帶的她說：「希望各地都多啲關注愛滋病患者，最緊要就係大家要有愛」。
問到「佔中」可有對她的三位小朋友帶來影響時，她說：「有呀，細仔停課。兩個女返學就要用兩個半鐘，因為我哋住中環，係重災區。」她又提到兒女看電視後都有問及為何要示威，不過年紀尚幼而不明白政治。她續說：「𠵱家好多人都唔開心，好多爭拗，有朋友同家人因為呢個問題鬧交，我覺得唔應該因為意見唔同而分裂」。她笑言與丈夫李家誠意見一致，討論時亦溫和理性，她說：「我覺得應該有普選，但亦尊重其他意見，唔會分啱或者錯，香港應該團結，大家都係一家人。」
採訪：王連連
攝影：仇志德