【本報訊】一隻精緻的貓，在咖啡上神氣活現，這幅上載到社交平台的相片，無心插柳，讓咖啡師周子良（Leo）因貓之名揚名國際，應邀到德國柏林示範，外媒爭相採訪。但原來，鎂光燈背後，另有故事。「三年前，我仲係癮君子」。決心戒毒，重過新生，上月，以分手女友命名的咖啡店，終於開張，「做嘅錯事太多，係佢陪我度過最艱難嘅時間」。人生如戲，港版等一個人咖啡，原來真有其事。
記者：呂麗嬋
在新蒲崗的小店新開張，不少人都是慕精緻的立體咖啡拉花而來。除了貓的不同形態，還有小狗、河馬和長頸鹿。
OL結伴到來，七嘴八舌，Leo隨意送上不同造型的立體咖啡，就像電影中的咖啡店老闆娘周慧敏，似隨意，卻又不隨意，「以前間店喺尖沙嘴，樓上好多寫字樓，香港人壓力大，成日苦口苦面」。遇過見到小狗咖啡破涕為笑的女強人，也遇上欣賞他的伯樂。小小咖啡店，滿載悲歡離合。
拍烏蠅後營業額三級跳
「之前間舖好靜，有次喺網上見到立體咖啡嘅相，覺得好得意，呢種咖啡喺台灣好流行，香港冇人玩，咁得閒不如就試吓，打咗啲奶泡砌咗隻貓，膽粗粗畀個客，點知佢飲完好開心，即時將相片放上網。」Leo說。網絡媒體傳播力驚人，不到一星期，原本「拍烏繩」的小店，營業額三級跳，慕名而至的人絡繹不絕，「有人欣賞梗係開心，細個喺南丫島大，嗰度好多貓，我就專攻貓嘅唔同形態」。
港版立體咖啡拉花，讓他聲名大噪，遠至新加坡及上海的電視台，先後派攝製隊來港採訪他，總部設於德國柏林咖啡店，邀請他越洋示範，「咁大個人，未試過去咁遠」。就連港大的「科學與藝術」工作坊，都邀請他到大學示範，「讀到中三就冇讀，未去過港大，冇諗過用奶泡砌成動物，可以浮喺液體嘅咖啡上面，原來同鮮奶內嘅脂肪含量有關，有咁高深嘅科學原理」。
一杯咖啡、一次無心插柳的嘗試，讓他找到第二人生。「可以過番正常生活已好開心，點諗到喺幾百個大學生前示範？甚至去德國？」今日的Leo，沖咖啡手勢熟練，對不同地方的咖啡豆琅琅上口，但三年前，他以地盤散工為業，迷糊過活，他說：「咖啡？未做咖啡師前，我只係飲過三合一。」就像尋常濫藥故事，家人朋友，對他期望失望再失望，眾叛親離，「去到一個地步係，唔知做人為咗咩」。
自願到教會留宿戒毒，破釜沉舟，「好想家人原諒，重過正常生活」。完成療程，經教會介紹做倉務員，又輾轉在ifc一間咖啡店做樓面，對過去，他三緘其口。「個經理問我有冇興趣學吓沖咖啡，就係咁，由樓面轉做咖啡學徒」。到底一門手藝，別人放工換衫走人，他留在公司沖咖啡練手勢，又鑽研不同咖啡豆的味道，老闆對他稱許有嘉，但心中積壓着的，卻是不能說的秘密。
巧遇伯樂 舊愛命名小店
「唔敢同人講自己過去，怕唔接受，我喺聖士提反會戒毒，嗰度啲人出出入入，有人重獲新生，但也有教友因為社會唔接納，跳樓自殺。佢死前幾日，仲打過畀我，結果我咩都做唔到」。可幸，Leo遇到的，都是接納他過去的人，「我走嗰時，鼓起勇氣同個經理坦白，點知佢話：我一早知啦，睇一個人，係睇佢嘅表現，唔係睇佢過去」。
「人生咁長，總會做過錯事，往前看就好」。偶然機會，認識了做製衣貿易生意的客人，因為投緣，由客人變朋友，「佢問我有冇興趣自己開店，我話有，不過有個條件，希望間店嘅名，要由我嚟改」。小店叫Karena，正是前女友的名字。「唔敢奢望佢回心轉意，只係希望佢知道，我已經改變咗好多。」Leo靦腆的說。
