何韻詩、黃耀明、學者舒琪等前日宣佈組成「文化界監察暴力行動組」，82歲的潘迪華、黃偉文亦表態想加入，願與和平抗爭者並肩作戰，直至成功爭取真普選。他們在金鐘紮了兩個帳幕，明哥和何韻詩昨日凌晨在營內與學生及市民分享感受，阿詩昨晚7時多素顏再落金鐘，她說﹕「大家唔好低估自己力量，踏出一步支持，藝人同市民都做得到，有啲人食晏都嚟支持。」
有傳內地已有支持佔中藝人封殺名單，阿詩無畏無懼說：「唉，好悶呀，我哋企出嚟係為港人良知，人除咗賺錢、賺錢、賺錢，仲有好多其他嘢，如果有人為錢恐嚇你，呢啲人唔使放在心，我只做自己心中認為正確嘅事。」有指她吃裏扒外？她說：「唔緊要，連日嚟都有內地市民嚟支持同參與，我哋有講香港人本身都有普選，為香港自己發聲，並唔係反對及有任何對立。只想同同學、港人並肩作戰。」現場市民報即以掌聲，叫她加油。
阿葛清紙皮撐學生
另一位搞笑能手葛民輝前晚亦親到金鐘支持，他在facebook貼圖貼文說：「其實唔使用突拳髮追查有乜鬼外國勢力支持這一次學生運動㗎喇，只要肯行多兩步到現場望兩眼。到吓社區坐吓睇吓，就好容易馬上發現好多外國嘅勢力長撐，分別有大量是來自亞美利堅共和國的麥當當，而東洋朝鮮靚仔杯麵亦周圍遍地開花，本地靚媽老火湯紅豆沙綠豆沙隔晚就有，平時喺屋企都無咁密……實在太可惡鳥。」除了打文之外，阿葛連日不斷清理紙皮，呼籲學生要繼續加油同堅持。
採訪：卓寶花、鍾國仁
攝影：陳俊強
