【本報訊】佔領行動持續兩個星期，示威者初時以雨傘擋住胡椒噴霧、催淚彈，被外媒稱為「雨傘革命」。在銅鑼灣的集會人士，昨日特意創作一個藝術裝置，將大批七彩雨傘打開，砌成雨傘形狀，再放置巨型胡椒噴霧道具在前，象徵集會人士即使手中只得一把傘，也堅守着身後的佔領區，無懼鎮壓。
老師學生一起通宵創作
此外，又有大學生發起「降落傘運動」，親自落區向受影響商舖解釋，望「雨傘革命」有平安着陸的一天。
創作大型雨傘陣的包括設計師、老師及學生等，他們一起思考以及通宵製作，有份設計的阿賢，本來留守金鐘，直至本月3日，銅鑼灣發生暴力事件，「嗰陣我返緊工，一聽到消息，就即刻請假跑落嚟聲援」。
留守銅鑼灣逾一周，驚訝這處人丁單薄，索性把陣地由金鐘轉過來，「呢度得好少人，留喺度嘅多數係學生，唔放心佢哋」。
晚上與佔領者談起，希望透過藝術創作吸引旁觀者，念頭一起便動工，「銅鑼灣成日都俾人話，你哋一個人都冇，霸住做乜！我哋唔想成條街都冇人，就諗到用藝術品留住佢哋」。
由「佔中」開始留守至今的一群大學生則自發舉辦「降落傘運動」，落區與銅鑼灣渣甸街的小商店溝通，了解他們的不滿，並讓不理解的群眾明白「佔中」者留守本意。
「降落傘運動」與小店溝通
發起人之一的中文大學三年級生呂衍瑩笑指幾乎進每間店舖也被罵，「入過一間舖頭個姨姨話唔做『黃絲帶』生意」。
但呂衍瑩說，「過幾秒又行出嚟問我哋乜事，我同佢傾偈話好鍾意食佢哋嘅車仔麵，幫襯咗好多年，佢態度開始軟化，講佔中點影響囡囡返學、生意，最後話其實佢都支持學生，呢個就係市民可愛嘅地方。民主唔係冷冰冰嘅制度，係以人為主，唔應該非你即我」。