呢排市民好關心狼英、奶媽林鄭會唔會借終止談判為清場開路，特區政府噚日宣佈，奶媽帶晒班局長周六出發去廣州，代表特區政府出席「泛珠論壇」歡迎晚宴同開幕禮，而狼英就星期日晚去廣州，會合班官同泛珠不同省區、澳門特首崔世安開聯席會議，而奶媽唔喺香港期間，就由勞工及福利局局長張建宗署理政務司司長。
有泛民知道呢個消息，就好認真同八方講，狼英會唔會趁佢同奶媽唔喺香港，指使禿鷹清場，將隻鑊卸畀張建宗頂？反正如奶媽所講，鎮唔鎮壓佢冇權出聲，只係局外人，咁搵張建宗孭咗佢有乜奇！但有人話張建宗只識講「全方位一條龍服務」，咁點見傳媒解畫！唔通話「全方位一條龍清場」咩？