呢幾日返咗內地公幹，處理完啲嘢，晚晚對住個電視，打波人仔當然睇體育台，而國際賽前，分析球隊節目特別多，睇到場可能被忽略嘅「大」賽，就係今晚歐國外波蘭（圖）主場對德國；波蘭同德國大家都打咗一場，波蘭首戰以7:0大勝直布羅陀，所以以得失球優勢排同組第1位，德國險勝蘇格蘭就排第2位。
原來歷史上，波蘭從未打低過德國，而波蘭人本身對德國多少仲有啲敵意，所以主場出戰當然希望攞3分及坐穩領先位置，但對住德國呢支火力強勁且善於打大賽嘅球隊要贏波談何容易，如果唔係波蘭過去8場開咗6場細，呢場波入球「大」應該無1.65倍咁好分頭，大家真係可以諗諗佢。
慈善小型球千萬贊助
早排喺波總大堂見到霍會長嘅第一把手中哥，佢就揸住叠香港對阿根廷波飛，急急腳咁，當然問佢急咩，佢即刻解釋叫我唔好誤會撲飛，因係搞慈善足球邀請賽小型球賽事，肥中話唔講大家真係唔知，呢個慈善賽，獲各方老細一開口，就搵咗過千萬贊助，有65個社福機構參加，比賽以淘汰方式進行，第一場輸咗都有5萬元善款捐畀相關機構，聽到我眼都突埋。
佢仲話呢排忙係因為想請前中國球王容志行決賽日落嚟做嘉賓，為咗比賽更有吸引力，佢哋亦編排咗決賽雙方由陳鴻平同黃文偉做義務教練，仲請埋退隱多年的足總駒哥同大哥成出山幫手負責安排。
小總會作為主辦單位，今次真係威過威士忌咁話！
本地職業領隊
耳聽八方 專收好料
識睇，一定係睇足英台【英波Live】：
http://soccer.appledaily.com
http://bit.ly/engballlive