【壹週刊】每年萬聖節都去海洋公園哈囉喂，十年如一日，入場票仲要愈來愈貴，今年一於玩盡啲，去挑戰新加坡鬼屋！
最大型萬聖節活動有環球影城舉辦的萬聖節驚魂夜，動員多達444隻嘩鬼，造型逼真入戲，又唔會一味催你行快啲。題材夠新鮮，戶外扮西部荒野，又有撞鬼撞到上外太空。四間鬼屋加四個恐怖區，比海洋公園更驚嚇。
「小 丑傑克3D遊樂場」標榜為新加坡首個3D鬼屋，入場前要戴上紙製立體眼鏡，本來以為好流，點知全間鬼屋都係熒光色，營造出色彩繽紛的遊樂場，立體效果好突 出，小丑頭像及波點圖案似飄浮半空，迷幻到頭暈眼花。鬼屋內有超過二十個不同造型的邪惡小丑，Joker般的陰森面孔及刺耳笑聲，驚嚇度屬入門級，不過我 本身最怕小丑，即使唔算血腥核突，都心寒到毛管戙。
「外星人實驗室」位於未來水世界區域內，鬼屋玩到上火星，科幻主題夠新鮮。嘩鬼全部變成 肉酸外星異形，奇形怪狀，好笑多過恐怖。行到培育室，有超過十種邪惡外星怪胎，當然少不了真人突然打開艙門大叫，嚇我唔到！停屍間更有多個裝上死屍的膠袋 吊在半空，死狀恐怖，頭耷耷經過，冷不防被躲在其中真人嚇破膽。這鬼屋都唔算驚，不過全場都有腦細胞及內臟物體，滑潺潺的造型實在太噁心。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/