佔中市民用生日歌「反擊」反佔中暴民，經網上瘋傳，已經街知巷聞，凡撐佔中者均已運用純熟，好似噚日立法會內務委員會辯論用唔用特權法查佔中，平時逢特權法必反嘅鼠王芬，一時話佔中違法，將啲政治風帶入純樸校園，搞到反佔中嘅同學遭受白色恐怖，一時仲緊跟左報論調，話佔中背後有英美勢力。
相信唔少人聽到都覺得受夠喇，所以工黨主席李卓人突然出「武器」，大聲唱生日歌，「恭祝你福壽與天齊，慶賀你生辰快樂」，點知民建聯元秋姐隨即發難，大大聲問立法會唱得歌㗎？不過生日歌呢招已經打窒鼠王芬度氣，謬論被及時阻止。冇幾耐之後，球證亦吹起完場雞，鼠王芬發言時間夠鐘。