【雨傘革命 第14天】
【記者劉美儀報道】佔中兩星期，應抗爭升級或留力撤退？前財政司司長梁錦松（阿松）自言因警放催淚彈而哭，並引述三國時代著名政治軍事家司馬懿名句：「得民心者得天下。」他寄語集會群眾及學生，兼顧法、理之餘更要照顧「情」的考慮，才可「爭取到民心」，「無論邊個人企邊個位，做嘅嘢要得民心」。
籲學生兼顧法理情爭取民心
身為三名孩子之父，被問及若自己兒女此刻坐在政總集會，是自豪還是勸退？以小母牛香港分會主席受訪的阿松指「好開心見到年輕人有理想有激情」，否則社會無希望，「年輕人唔激進係冇心肝，但年紀大仲激進係冇頭腦」。追求民主要講策略懂分析，情理兼備，「爭取嘅嘢啱唔啱、點爭取、付出同攞到嘅係咪適當」。
「得罪咁講，去到阻住人哋搵食生活嘅地步，點樣可以爭取到民心？會唔會適得其反？」阿松說：「我哋做大人嘅，要尊重年輕人決定。」他希望學生慎思明辨，懂易地而處，最重要是「心中有愛」，兼顧法、理、情，才可爭取到民心。
香港回歸十多年，經歷2003年7.1的50萬人大遊行，董建華下台，以至自己辭職的梁錦松直指現在是「最危險及（令他）最擔心嘅時候」，警方施放催淚彈後更「喊過一次」，是近十幾年來唯一的一次，「爸爸過身時我都冇喊過，因為知道佢臨走前願意受洗，神答允我祈禱，讓父親帶着平安返天家」。
梁錦松哀香港撕裂，「好擔心學生出事」。至於會否轉危為機？「我冇答案，暫時講係稍為悲觀」，他指因事態發展往往是一念之差。當局向示威者施放催淚彈孰對孰錯？阿松謂「要讓歷史判斷」，但對前線警務人員，他認為外界要多體諒，「佢哋都係打工，但做領導嘅就唔係打工」。
聞選特首 笑稱「又講呢啲」
五年前受洗歸主的阿松每晚為香港祈禱，「為學生、為集會人士不受傷害；為警務人員，既要執法又隨時面對衝突；為領導階層有智慧化解危機；為撕裂的香港社會恢復平和理性」。有否為自己迎戰2017特首選舉禱告？對參選提問駕輕就熟的阿松笑稱「又講呢啲」，重申只要心中有愛，任何崗位皆可服務社會。
對於政改，他認為要顧及各方均衡參與及循序漸進，並獲中央首肯，「係現實，政改沒有最好，只有更好」，期望香港可在政改路上向前邁進。