旺角佔領區請到關公（已開光）坐鎮，睇怕都係香港特色；同為香港特色嘅玄學家麥玲玲，噚日就同傳媒去咗佔旺現場，有市民影低兩個香港特色crossover嘅珍貴時刻。八方問過玲玲，佢話雖然神位位處十字路口，但關公煞氣夠鎮得住，讚賞擺設市民夠誠心，祭品有酒、水果、雞豬同甜點等，好齊全。
黑白兩道都會拜關帝，𠵱家現場又有一般集會市民，到底關公要保邊個？呢個咁複雜嘅問題，難唔到玲玲姐：「關帝象徵義薄雲天，好講義氣，都係喺附近嘅人嘅精神象徵。令大家團結啲，正義長存。」
現場「附近嘅人」有警察、集會者同埋「可能有」嘅黑社會，真係可圈可點嘞！