禮拜日田草賽事用A加3欄，睇番上季首次A加3欄日賽在10月12日舉行，當日頭馬全部排七檔或以內起步，而且每場均有一至三檔馬上名，可見內檔馬優勢甚大。至於跑法方面，當日頭七場賽事之放頭馬全部跑入前四名，其中「南莊多寶」及「喜利高」更一放到底贏馬，不過到尾段場次，就有「貝利奇」、「將男」及「得盛」等居中後上馬建功，所以都要留意臨場形勢轉變。
今戰列陣馬中，第四場「星航渡」上季一出即入Q正是跑A加3欄，今季等番同一移欄再上陣，排五檔形勢有利，有力打開勝門。另外，第五場「愛歡笑」係全場唯一贏過A加3欄嘅參戰馬，場地性能有保證，抽得二檔可坐位望贏。