【雨傘革命】「雨傘是一朵朵的花，不枯也不散」─《撐起雨傘》這首歌是寫給為我城命運付出的年輕人，感激他們令香港變得更美麗！由80後的兼職音樂人Pan（羅曉彬）作曲，與大師級的林夕合作填詞，獲葉德嫻、何韻詩、黃耀明、謝安琪等合撐獻唱，連日都有上街撐學生和市民的Pan，這夜撐着雨傘再走到金鐘佔領區說：「老中青歌手都喺度撐呢場運動，覺得好鼓舞！」
雨傘革命遍地開花，現年25歲的Pan是一位兼職音樂人，由學生罷課開始，到黃之鋒衝入政總被拘捕，雖然覺得自己力量渺小，但Pan跟所有被激起良知的市民一樣，都覺得自己應該站出來，於9.28當日上街抗爭，眼看警方對手無寸鐵的市民施催淚彈暴力鎮壓，激發他創作《撐起雨傘》這首歌，連日都有上街抗爭的Pan，這夜（7號）再踏上金鐘佔領區，與大家同在。
坐在金鐘街頭，Pan接受本報專訪說：「呢幾日喺度最大感受，覺得集會啲人好團結，大家自發做義工，將人性最好嘅嘢帶出嚟。」問為甚麼寫《撐起雨傘》這首歌？Pan說：「28號見到警方清場好混亂，周圍都係催淚彈，令我好憤慨，另一個最大原因，我喺呢度畀靜坐嘅人感染咗，大家喺夜晚留守，互相派物資，入到嚟呢度，覺得香港人好可愛，以前覺得香港人有啲功利，但喺呢度完全唔覺，令我好感動，好想發揮少少力量安慰佢哋。」
歌曲獲何韻詩、黃耀明、葉德嫻、謝安琪等撐聲合唱，Pan說：「參與歌手非常團結，明哥、阿詩、郭啟華召集呢班歌手，極快速去錄音，甚至謝安琪喺美國錄音，葉德嫻更加係好大驚喜，佢嘅參與令首歌層面更加豐富，老中青歌手都喺度，代表範疇更加大，佢把聲令我好鼓舞。」
「要堅持下去」
這首歌是給無數日夜，撐着雨傘的無私奉獻者，Pan說：「通常關於社運嘅歌比較激昂，但呢首希望可以安慰呢度辛苦嘅人，佢哋留咗好多日，希望佢哋同歌詞一樣，不枯也不散，冇論行動同精神上都唔好咁快枯萎，大家都知呢場仗好漫長，政府可能唔理會大家訴求，所以大家要有心理準備，向住未來堅持落去。呢場運動由佢哋帶起，如果團結起嚟，可以改變香港，正如政府點解開始軟化，就係靠90後咁團結走出嚟，所以一定要堅持。」
撰文：余燕儀