改朝換代喺呢個世界上係必然嘅事，特別係大賽之後。世界盃後有唔少球員決定同國家隊講拜拜，英格蘭雙特、沙維、韋拿都係當中之一。不過當中最意外嘅，應該係世界盃冠軍德國，隊長拿姆、梅迪薩卡同高路斯都選擇急流勇退。
不過，德國暫時的過度性班子，進攻上就未如世界盃時行雲流水，有點跌watt迹象。早前對阿根廷友賽輸波，上場歐國盃外圍賽對次兩級的蘇格蘭，都要打到70分鐘， 才憑梅拿乘亂射入致勝一球， 小勝2:1。這兩場德國的表現未如理想， 可能在幾位精神支柱離隊後， 大家都要點時間適應， 但考慮到德國真的是高手如雲，相信這個適應期不會太長。
相對德國隊的成績，奧斯爾的情況更令人擔心。他在阿仙奴的表現時好時壞， 成為球迷開火對象。上場對車路士時沉靜得很，更不幸的是奧斯爾因為受傷，要長唞3個月。到時英超快車又開完，國家隊融合期又過晒， 都唔知佢點算……
雖然講咗咁多德國隊嘅不利消息，但係今個星期都係會推介德國隊!佢地面對嘅波蘭，有好多喺德甲搵食嘅球員，算係德國二隊。阿哥同細佬比賽，當然撐阿哥啦!不過以德國隊穩穩陣陣嘅性格，應該唔會贏得多，2:0就啱啱好！
LULU
不懂踢波愛睇波