SONY E-mount機一向都俾人叫「萬能插蘇」，啱啱又有新副廠新配件返，所講係FOTGA NEX TO EF/EF-S AF ADAPTER，簡單講就係可以將Canon鏡頭，套落Sony E-mount相機上使用，而且仲可以保留電子對焦；我知電子對焦轉Mount唔係新鮮事，但如果話你知，佢可以對應全片幅嘅A7同A7r又如何呢？須知大部份舊款轉Mount，都只可以玩到去APS-C Size，所以今次係全片幅機用家佳音。
A7s又如何？由於新貨剛抵場，暫時未有實機測試，但據知今次Mount位是經過從新精製，所以大家可以帶機落去試吓。實物測試時，對焦感覺會稍稍見慢，未必及SONY自家鏡頭咁爽利，同一般電子轉Mount速度差唔多，不過叫做多樣鏡頭選擇。不過最正是在轉Mount的底部，難得的是可拆的腳座是整合埋雲台板的設計，咁就可直接裝上雲台，而且全金屬機身設計亦見硬淨，$850價錢都叫可接受。
力諾攝影器材
深水埗元州街5-95號新高登電腦廣場2樓236舖
記者：朱崇德