八方幾日前寫過，金鐘有個男仔喺佔領區，非常羅曼蒂克咁掛咗一張「尋一個女生」紙皮告示喺電燈柱，想搵番當日同佢一齊喺滂沱大雨中，企喺物資站破爛帆布下，用把遮撐住帆布食催淚彈嘅女仔！
當八方日前報道佔領區有呢段霧雨情緣後，日前有位男仔電郵畀八方，話佢就係「尋一個女生」個男主角嘞。佢話張紙皮告示係喺上星期日貼，星期一再貼多張「等一個女生」㖭！
佔鐘男補充話，佢所覓尋嘅女仔戴黑框眼鏡，佢喺新嘅尋人啟事中仲寫住：「同是雨傘革命人，相逢何必曾相識。每一個人，都在等一個人。」佢話若然個女仔仲未離開，希望有緣喺特首辦再見！