早前表明反佔中嘅菁英會創會主席施榮忻（圖），噚日出席福建幫酒會時自爆「捉蟲」，話自己11歲阿囡早排同成班同學，都將facebook同WhatsApp頭像轉成撐佔領嘅黃絲帶，搞到佢好驚訝，因為佢極之反對16歲以下嘅學生討論同參與政治，質疑「一個11歲嘅小朋友，有乜嘢政治立場吖？」最終阿囡喺佢「輔導」下，幅黃絲帶頭像用咗六個鐘就被「河蟹」消失咯。
講到佔領持續，施榮忻覺得政府最遲下周二要清場，但就唔好再用武力，否則隨時又再激起社會反彈。至於噚日同場、平日好多嘢講嘅中聯辦副主任林武，面對狼英收取秘密酬金同佔領等問題，罕有「封口」快閃離開。