喺9月嘅日本東京「第54回全日本模型ホビーショー」，一早已經預報咗會出1/60 PG版獨角獸，而且映期仲預報咗係今年12月，好多人心掛掛，香港會唔會同步推出呢？
答案已經得到肯定喇，喺日前瑞華行出嘅商舖訂貨單中，新嘅PG 1/60 獨角高達同PG 1/60獨角高達專用LED燈組，已經進入了12月嘅售賣日程裏面，佢哋嘅建議零售價分別為$2,009.9同$1,209.9，睇落去好似幾金吓，不過呢個價當然係大型百貨公司嘅價啦，一般玩具細舖，售價應該會進取好多。
如果真係想訂購的話，建議唔好為咗慳少少，而唔訂$1,209.9嘅專用LED燈組，聽講佢識得自己轉色㗎，同你自己鑲LED燈完全你回事囉！切記。
記者：朱崇德