近兩個星期嘅佔領行動，各區上台講嘢嘅「咪手」唔只有政治明星，原來仲有小朋友。日前一位10歲小朋友喺金鐘發言，令台下市民拍爛手掌。呢位小朋友話，好多謝咁多香港人「為我哋呢一代爭取真普選」，大讚港人好勇敢。由民主黨總幹事林卓廷陪住上台嘅小朋友越講越激動，話自己雖然好想喊、幫唔到手，但最重要係企出嚟：「香港人要團結，689要下台！」講完呢句，全場掌聲雷動，好多市民同小朋友講：「我哋以你為榮！」佢話若香港最終都係冇真普選，但起碼都叫做爭取過，「我哋𠵱家係畀壓力個政府！香港人加油」！大家可以上網睇吓小朋友英姿： http://www.youtube.com/watch?v=70B4pLC0mAs。