政治亂局下,世事無奇不有,連鯊魚都喺機場出沒,係咪好迷呢?但大家唔使咁驚,事關呢個只係鯊魚雕塑嚟㗎箒。海洋公園為咗配合全新景區「尋鯊探秘」開幕以及推廣護鯊訊息,即日起至明年3月27日,喺香港國際機場接機大堂B區舉辦以鯊魚為題嘅保育展覽,展出兩件大型仿沙鯊魚雕塑,仲設置教育展板同電視屏幕,向市民同到訪遊客宣揚鯊魚保育、以及海洋生物多樣化嘅重要性。
而海洋公園嘅吉祥物占士鯊,更會喺即日起至11月22日,逢周六喺展區同公眾見面同影相!海洋公園動物及教育執行總監蔣素珊話呀,希望園方推陳出新嘅做法,可以提升大家對鯊魚保育嘅參與度啦!