無綫無情，但周潤發有情，上月底無綫在7億盈利下仍解僱50名員工，連曾志偉也睇不過眼，穿黑衣力撐TVB職員協會發起的黑衣行動。被解僱的員工中，在無綫效力30多年、人稱福爺的《東張西望》資深攝影師黃展倫本來還有幾年便退休，但亦難逃被裁厄運，令不少幕前幕後深感難過。
提早一日埋單
原來被視為民間特首的發哥，當年在無綫拍劇時跟黃展倫父親合作無數，可說是看着黃展倫長大成人，所以當發哥獲悉上周六（4日）一眾無綫員工在尖沙嘴頂好海鮮酒家為其舉行榮休Gathering後，即二話不說在前一日親到酒家預先付款找數，令福爺及一班幕前幕後感動不已，據悉當晚筵開7席，估計發哥花費逾5萬港元。當晚發哥雖然未能現身出席福爺榮休派對，但曾志偉、崔建邦、《東張》幕前幕後包括黎芷珊、宋熙年及其男友陳智燊亦有出席，場面感人。
記者昨日致電向發哥求證，他表示：「係，呢個係我對福仔榮休嘅小小心意，其實我係同佢老竇比較熟，當年我喺無綫時，佢阿爸做戲劇組收音師，所以同佢阿爸有好多合作機會，當時就真係睇住福仔大，冇諗到𠵱家福仔已經俾人改口叫福爺，證明時間真係過得好快。」
「佢老竇睇住我大」
發哥指當年離開無綫後，他幾乎是每年都會跟無綫的舊同事吃年夜飯敍舊，後來去了美國發展後才終止了。不過當他知道福爺被迫榮休，他都立刻送暖：「咁佢老竇睇住我大，咁我又睇住佢個仔大，𠵱家成班同事同福仔搞榮休，咁我咪盡小小心意，請佢哋食飯囉！」
問發哥為何只替他們埋單而不出席？他笑言：「人哋成班後生喺度玩，我去到咪令佢哋唔自在，等佢哋自己食咪仲開心。」
採訪：魯吉、鍾國仁