有沒有想過，連機械人都要學廣東話，同香港人對話？在台灣，日本紅到出晒名既“洛比”（Robi）機械人，昨日終於公佈在港有售，呢隻以對話為賣點既機械人，身高34cm，體重約1kg，香港版的洛比，已經學識250個廣東話詞彙，識打招呼，識俾讚，仲識跳舞，唱歌，遙控電視。
機械人創作者高橋智隆教授，仲專程來港，介紹洛比，講佢點樣受“阿童木”啟發，製造洛比。但呢隻至少有十二萬日本人已經擁有的洛比，要買認真唔易，因為洛比會隨《洛比》周刊的形式推出，10月14日會推出創刊號（$49），隨後每本$159，每期附送幾件零件，玩家要買齊七十期，先可以砌成洛比。換言之，至少一年先可以儲齊，即合期要花$11,020。
我玩過一陣洛比，部機械人真係幾得，動作十足十“阿童木”咁，嬌態似足小朋友，十分可愛，識握手，聲線又似足人聲，回到家一句辛苦晒，令愛回家既香港人，唔使再對住家徒四壁，高橋話，這是一部會發聲，有生命力，更要與人類展開對話的機械人，有得對話咁得意，等一年半都抵啦。
記者：童傑