「民主真兄弟」早排偽造公民黨會議紀錄，被人踢爆咗佢幕後身份依然唔肯收手，近日八方又發現，佢喺銅鑼灣佔領區現場出沒，而且死性不改，鬼鬼祟祟喺度偷拍啲衝突場面。
話說近日「喜記避風塘炒辣蟹」老闆廖偉文，日前同銅鑼灣嘅佔領人士衝突，仲涉嫌非禮女生，條片喺網上熱傳。八方就發現「民主真兄弟」吳曉龍都有喺片中出現，當時佢企喺一位外國女記者身邊，不時喺女記者耳邊念念有詞，估計係幫手繙譯。但原來吳生一直拎住部相機仔，放喺腹部位置「低炒」其他人，仲不時垂低頭偷望部機係唔係影緊。其實去親呢啲衝突場合，人人都名正言順舉起部機影到夠，唔使咁鬼祟喎，希望佢唔好又放啲片上網大做文章啦。