上周在電視鏡頭面前，見到最多是麻甩佬發難；估不到，年薪近9,000萬港元、掛OBE勳章的老人家，都似MK佬講手。雲教授變雲佬，真抵死！
投注英超，不撇除心魔，「愛」字頭行先，盲目捧自己愛隊，多焦頭爛額。除真正的強者外，相互實力接近，戰果反常是常事；所以見到讓路給國際賽前的第7輪賽事，弱勢新特蘭終靠主場威力開齋；般尼及紐卡素齊止瀉，爆冷作客搶到1分；侯城終止聯賽5場不勝氣走水晶宮，戰意勝過一切。原本最強勢的修咸頓，放假前吃悶棍，被前主帥普捷天奴帶領的熱刺打敗，終止所有賽事計6連勝，表現依然不差，守第3位；但「兩藍」車路士及曼城，繼續放領。
車仔不愧「無敵盤王」，季初迄今，聯賽3次開亞洲盤全勝；歷史對賽往績，其實理據最薄弱，但熱刺被阿仙奴剋死，車仔又剋死阿仙奴，已是英超長久不變定理。有摩連奴在，對雲格帶領的阿仙奴保持12場不敗，但其實摩佬離開那6季，阿仙奴聯賽12戰鬥車，只錄得4勝1和7負，倫敦1哥之名，早在南部植根；雲格不妥摩佬，雙方早有隙縫，場上鬥又鬥不過你，講口才又不夠你嘴賤。周日一戰，這個「偷窺佬」兼「失敗專家」，世紀一推，雲教授頓成MK雲！
多年積怨，眼見愛將被鏟低，衝向對方技術區域投訴一下，摩佬也常做；實情無傷大雅，配以傳媒炒作，球迷看得開心。不過，雲格抵死在場上調兵遣將及治軍的能力，任賽後如何狡辯，也是詞窮。現今足球，要成功，除非你擁有皇馬及巴塞的鋒力，否則守穩是成功之本。阿仙奴最差，正是防守，不單是今夏堅決不多添中後場新血形成現今困局；作客車仔，中場4人除走下坡的法米尼外，其餘正選3人防守一般，偏愛出韋舒亞及奧斯爾，加上右翼阿歷士張伯倫坐回後備席，令初挑大樑的右閘哥林張伯斯成為車仔最佳攻擊對象。
看賽後數據，法米尼錄得3次截擊及5次有效解圍，其餘3人合共僅得兩次截擊1次封阻；阿仙奴進攻也疲弱，6射0中框。反觀車仔，進攻根本未出真功夫，踢簡單足球，足夠制勝；但中場5人合共取得7次截擊、12次有效解圍，瘦削的奧斯卡杜斯山度士貴為巴西進攻中場，變車仔防中，防守數據今場最亮麗，表現不遜夏薩特。評述員常說這類球員在英超對抗性吃虧，在摩佬眼中，不可能變可能；去季放走懶於防守的桑馬達到曼聯，凸顯其治軍理念之果敢、精采！
敗興而返，接着面對麾下超過半數大國腳，回國家隊高高興興「度假」去也，還有陣中不少「長唞」傷兵。未來個多星期，已洩火的雲格，應該虛懷一點，好好反思──4哥位，不是屆屆保得住！
文：波神
識睇，一定係睇足英台【英波Live】：
http://soccer.appledaily.com
http://bit.ly/engballlive