【壹週刊】地溝油襲港，中產轉吃外國貨；包餅店陸續中招，索性買部麵包機自家製。錢可以換來一點安心。窮人卻無得揀，只能買來歷不明的散裝油、冒牌米、爛罐頭。周佩波說：「為了慳錢，基層真係搵命搏。」
他知道窮滋味，因為自己就是窮出身。初中時由廣西農村來港，一家五口住深水埗百呎劏房。貧困、家庭暴力、校園欺凌夾擊，加上新移民的適應困難，不足為外人道。「我個名叫阿波嘛，愈大力打我，我就要彈得更高。」掙扎着長大，畢業便去中環返銀行工，30歲前擁有自己的公關公司，每年收入過百萬。今日屋仔車仔老婆仔有齊，沒人再看不起他。
「好多時歧視只係源於誤會。」既往不咎，還說要將在香港賺到的錢「十倍奉還」，回饋這城市。去年他放下公關業務，創辦社企「加油香港」，利用自己的經驗與人脈，跟大品牌合作，誓讓窮人都吃得起港產靚油、泰國香米。「我想佢哋知道，原來基層都可以有得揀。」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/