詞神林夕幫雨傘革命填詞嘅《撐起雨傘》，聽到人熱淚盈眶，估唔到建制派為咗撐黑警，東施效顰整咗首《香港生命》，八方認為呢首歌應該改名《香港冇命》，聽過大家就知道，改歌名其實更貼題！
查實呢首《香港生命》係出自寫過唔少名曲嘅作曲家林慕德之手，作詞卻竟然包括李偲嫣，怪不得首歌被膠化，加上唱歌者似乎五音不全，MV入面仲有偲嫣BB粉墨登場，首歌似乎係用嚟考驗耐力同EQ！
查實首歌放咗上YouTube差不多兩個月喇，但點擊率只係得7萬幾，比起《撐起雨傘》上載一日多已經有17萬多點擊，真係蚊髀同牛髀。有網民就二次創作，配咗差人蝦示威者嘅畫面向警方「致敬」。