有人話「佔中」行動阻人搵食，有人就話影響輕微，到旺角睇睇，竟然有一班人，依然馬照跑，食照搵，似乎無咩受影響啵。在旺角亞皆老街百老匯，與「情義MK十字路」僅一路之隔，但就充斥了買賣蘋果iPhone 6的攤販，而且因為昨日太陽曬，攤販撐開好多把雨傘，紅、黑、藍、黃色，連波波點都有，遠睇仲以為水貨佬，都要暗撐「雨傘革命」，搞「顏色革命」。
其實旺角近日在撤與不撤之間，呢班攤販早已決定不撤，附近仲有唔少市民佇立散放，有放機女士話唔怕有衝突，有攤販就話，近日唔少大陸水貨佬來搶收iPhone 6，所以先擠得水洩不通，遲早回收價會再跌，叫我好快放手上存貨。
睇返星期日的「港商」下午報價，細金16GB未拆盒已經落到$5,800，64GB就落到$6,750，昨日星期一再問，回收價落到$6,700，過多兩檔的「中資」報價，甚至平多一舊，收報$6,600，至於大金64GB就去到$8,350，似乎要放，真係要快啦。
記者：童傑