【動Fun】 源於美國嘅「喪屍長跑」(Run For Your Lives)，今年首次殺入亞洲區，之前分別登錄新加坡、台灣，上星期四（2日）終於登陸香港！在4公里障礙賽的人屍交戰中，參賽者可選擇報名做人類或者喪屍，人就要逃命，喪屍就要感染人，氣氛一流。場內除了跑道外，更設有露天派對及舞台，而台上不時有表演，例如：樂隊表演、大胃王比賽等。
動主播吉吉就親身感受Run For Your Lives嘅熾熱氣氛，先講遊戲玩法，「喪屍長跑」全長4公里，有12個喪屍區域，6個障礙區域。選擇做人類嘅有三條血帶，如果成功去到終點，而身上仲有血帶的話就表示係生還者，相反就代表變成感染者。
吉吉於遊戲前部份已經失去兩條血帶，不過原來佢收埋兩條血帶於褲袋內，到逹終點時就掛上身扮係生還者。事後佢大讚好玩：「氣氛好好，好似一個嘉年華會咁，而且屍喪們好專業！」
如果想感受箇中嘅氣氛，即刻睇片啦！
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun