【本報訊】由在政總將女生拖地清場、金鐘濫發催淚彈，警方涉濫權事件一再出現，連續兩日有片段在網上瘋傳，旺角一間酒店兩名職員因投訴警方徵用的旅遊巴停車無熄匙，竟遭十多名警員圍罵稱：「我同你玩到盡！」其中一人更被「砌生豬肉」屈他打警察，按他跪在地上反鎖拘捕，並以公眾地方行為不檢罪名帶署。有大律師直斥警方行為過分及濫權，予以譴責。
「係咪坐下冷氣巴都詐型？」
被捕職員姓吳（24歲），在旺角新填地街逸豪酒店工作，獲准以500元獲准保釋，本月下旬報到。前晚9時許，吳的上司發現一輛旅遊巴停於酒店外，一直無熄匙狂噴廢氣，恐影響顧客，於是上前投訴，當時有警員稱車輛是警方徵用，但最後司機亦暫時駛離。不過，其後有10多名警員折返，見狀即圍罵吳的上司。
連續兩日流出的片段所見，當中兩名警員如狂性大發，連珠爆發炮轟：「最威係你啦，攞晒彩啦，四眼哥哥！我哋冇惹你你惹我？唔緊要，你間酒店係要玩嘢，我同你玩到盡！」雖然吳的上司一直沒還口，惟警員仍聲嘶力竭：「警察做完嘢，熱，係咪坐下冷氣巴都詐型？係咪玩死差人先開心呀！我𠵱家情緒係好高漲㗎話你知！」
未幾，警員更邊罵邊將吳的上司逼出馬路，又一手大力將他推回行人路，此時一直悄悄拍攝經過的吳大叫：「唔好推人呀！」警察即轉移目標圍着他指罵：「你識唔識尊重兩個字呀？有冇問過我哋？你有冇讀書㗎？熄機啦！」多名警員再包圍吳謾罵。
其間，一名警員竟向一直原地不動的吳怒哮：「打我呀你？有冇打我呀頭先！」吳的同事立刻向警員問個究竟，卻被另一名警員呼喝：「佢打我同事呀仲問乜事！」隨即喝令吳「踎低」，但最終吳卻被按至跪在地上，雙手反鎖拘捕，事後將他押入酒店，消息指其間有警員建議他將前拍的刪除，但他拒絕，事後被帶調查。
執業大律師陸偉雄批評，相關警員行為過分及濫權，令警隊蒙羞，應予以譴責，他指事主純以手機記錄事發經過，是合法行為；事主被指摘「打差人」，事後只涉公眾地方行為不檢拘捕，亦反映受害人沒有「襲警」。
陸偉雄強調他並非針對警員，亦明白警員因佔中事件壓力甚大，但絕不能將怨氣發洩在無辜市民身上，為免不良風氣在警隊蔓延及助長相關過份行為，他建議事主向投訴警察科投訴，討回公道。