黃金玩減價嘅嘢，真係無日無之，今個星期又有隻AKG K420做落價，價位係由$420直插$199，熟行情都知，低價位嘢好少大減，今次減幅超過一半都算幾過份；據知今次減價原因，係代理嗰邊做嘢，因為AKG Consumer Products嗰邊剛換了代理，價格做得更進取之餘，仲話會包兩年保養，須知以前減價貨，好多時都會Cut咗保養服務，所以今次買得安心好多；音效方面主要都係POP嘢走向，重Bass，唔講得話好標青，不過音效尚算開揚，你俾幾錢、佢俾幾多嘢你咁啦，而且採用多色設計，買嚟型吓潮吓襯吓衫都唔錯。
訊達科技（深水埗黃金電腦商場地面54號舖）
記者：朱崇德