隔牆有耳:狼英廢府之言被嘲 - 李八方

隔牆有耳:
狼英廢府之言被嘲 - 李八方

參選時講明會一張凳、一支筆、一本拍子簿,落區聽民意嘅特首狼振英,喺佔領風暴下,連日匿喺禮賓府,木口木面錄啲緊急呼籲、電視講話,俾網民笑佢似舊時報街市行情。
八方聽聞,為咗方便狼英隨時錄製「廢府」之言,政府新聞處派咗隊攝製隊長駐禮賓府侍候佢,背景天天新款卻日日騎呢,一時有堆木傢俬喺後面、一時張窗簾皺起晒。睇返佢呢幾日嘅「演出」,最多人討論係上月29日凌晨1點佢嘅講話,有網民話佢全程無感情,聲線冇起伏咁對稿讀,當然比不上外國領袖嘅風範。