原來不止年輕歌手藝人力撐學生，就連65歲綠葉王許紹雄亦表示支持，昨日他現身浸會大學Information Day，被拍下簽名聲援大專生和港人照片。記者昨致電許紹雄時，他說：「我陪個女去睇學校，見到個攤位咪支持吓。呢幾日睇到新聞好唔舒服，我立場係支持學生嘅訴求，但我覺得大家都有唔啱，用到催淚彈更加唔啱，發展到咁嘅地步，真係唔知點收科，大家都落唔到台。我覺得淨係佔領金鐘咪算囉，淨係影響金融區同班有錢佬，而唔係𠵱家咁佔法。」
台灣藝人雞排妹（鄭家純）和創作歌手黃建為，亦親到金鐘現場力撐學生。雞排妹昨在facebook貼上金鐘現場照片，並謂：「聽到大家大聲的喊着和平、黑社會、救護員，我快哭了。」她之後上載短片放上YouTube說：「大家都很peace，撐着傘、穿着雨衣聚在一起……在我能見範圍內這裏至少有1萬人，不是像台灣媒體報導打架、暴民……」她又以台灣的太陽花學運比較，指台灣是針對政策，而香港面臨的是更大的體系問題。
採訪：魯吉
