曾經是社團大佬，人稱「大佬B」的吳志雄，近年退隱江湖，主力回內地發展，對於前晚旺角發生的佔中與反佔中人士的衝突事件，志雄昨日接受電話訪問說：「我𠵱家仲喺內地，我只係聽老婆講噚晚情況，點都好，出現暴力同流血事件都唔好，其實香港係自由社會，和平示威係冇問題，但阻住條街，影響人搵食，又好難唔惹人反感，所以示威者去返唔擾民嘅地方示威比較好。」
對於有消息指前晚旺角衝突事件，有人找黑道人物來搞事和襲擊佔中人士，記者問志雄若有人付錢請你找江湖兄弟去襲擊和平佔中者，會答應嗎？他表示：「學生係社會棟樑，點會忍心打和平示威學生，呢啲錢畀都唔會要，我啲仔女受學校影響都有去參加佔中，我冇阻止佢哋，尊重佢哋意願，但我叫佢哋去一陣好返屋企，怕佢哋有危險，我覺得學生有可能受人煽動，所以變得咁激進，𠵱家香港變成咁，講真睇到會心噏，希望香港可以盡快回復平靜。」
採訪：鍾國仁
