寰宇電影公司老闆林小明日前接受商台《1圈圈 星光背後》訪問，細說與旗下藝人江若琳解約風波、周星馳翻臉內情及被傳兩年前逼旗下藝人李彩華作不道德交易等，林小明表示仍在控告李彩華誹謗。林小明又反駁江若琳指公司沒出糧白做了10年，他直斥：「佢直情係反骨，公司同佢簽10年加5年死約，第10年續唔續約係我決定，4月忽然收到佢唔續約嘅律師信。佢嘅車、住屋同每月使費邊度嚟？如果預支大過收入，理所當然喺收入度扣。」
斥周星馳唔尊重
至於因為《少林足球》版權問題而與周星馳對簿公堂，林小明說：「佢私下出電腦遊戲同漫畫，冇事先知會我哋，結果鬧上法庭，佢連最基本嘅尊重都唔識，恕我冇本事同佢溝通做朋友，惟有法庭見。」對於林小明繼續指摘，江若琳昨日短訊回覆：「大是大非前，社會上需要大家關心的人和議題，絕對比我的個人公義重要。我依然貫徹始終，大家就合約理解出現分歧，不等於要互相數落、惡意攻擊，既無補於事、亦有失風度，這道理我早已明白。謝謝。」
採訪：麥萍萍