何韻詩和黃耀明等藝人連日來不但為學生發聲及親到金鐘聲援學生，原來更聯同大班音樂人連夜趕錄歌曲《撐起雨傘》為學生打氣，連殿堂級歌手葉德嫻也有份參與錄音。
大批音樂人助陣
何韻詩昨日在電話中說：「前日我喺facebook收到個20幾歲嘅香港音樂人Pan作咗首曲，我聽完之後好感動，即刻話畀明哥（黃耀明）知，即刻發起行動，叫夕爺（林夕）同Pan一齊填詞，歌名叫《撐起雨傘》。由曲詞到錄音，48小時之內完成。」
阿詩表示除自己與明哥外，葉德嫻、謝安琪、盧凱彤、周國賢等也有份錄音。她說：「我哋希望用歌曲幫一班咁為香港嘅小朋友，拍一拍佢哋膊頭，打一打氣，因為見到社會咁荒謬事情，暴民衝擊示威者仲打人，警方唔理仲護送佢哋上的士……小朋友好勇敢，所以我哋要盡力保衞自己信念，希望可以用歌曲鼓勵佢哋面對咁黑暗嘅時代。」
此外，網絡二次創作人JFung則推出混音版《我絕對係捏造》，借當年唐英年在特首論壇中，大爆梁振英要出動防暴隊及催淚彈對付示威人士片段，來寸爆梁振英講大話，短片貼出僅半日已有近兩萬點擊。
採訪：皓騫