主台上「命運自主」四字，伴隨阿榮度過八個無眠的晝夜。學生勇敢站出來，作為傳道人的他無畏無懼，堅持守護青年人，「我會一直都喺後面back up佢哋」。
「由頭到尾成個罷課梁振英都冇正面出來回應，只係重複之前嘅聲明，冇回應千千萬萬市民對真普選的要求。」
30年來從事青年輔導工作，阿榮以傳道人身份接觸不同的年輕人，特別關注他們的情況。見到學生在公民廣場被噴胡椒噴霧，警方又揚言隨時有拘捕行動，上月27日已去到金鐘支援。早有「去飲」準備的他已向教會報備，「被捕預咗，留案底又預咗」，下定決心為守護學生打持久戰，「會一直喺前線背後撐住」。
爆炸聲大，但心中震撼更大。28日（周日）早上政總留守人數不多，阿榮為保陣地選擇留在主台。當催淚彈在前方的人群爆開時，他感到十分震驚，「唔止年輕人，仲有好多市民喺度，當時最大嘅違法只不是過是走出馬路」。有秩序表達訴求的市民被催淚彈驅散，他指決策者特別是最高的特首要負全責。
留守多日，阿榮稱留守者一直在驚惶中度過，「日頭有市民嚟睇乜嘢情況，可能警察都放軟咗，但夜晚稍有警方調動就會驚到醒晒，因為最低武力都仲有警棍電槍」，提醒所有人要記得這裏是佔領區，不可以鬆懈，「成個政總都係一齊起，唔知有冇地下通道連接，一陣成隊人衝出嚟點算？」
梁振英點名要林鄭月娥負責與學聯代表對話，阿榮斥無誠意，「由頭到尾成個罷課梁振英都冇正面出來回應，只係重複之前嘅聲明，冇回應千千萬萬市民對真普選的要求，又將責任卸在林鄭身上，如果連佢都唔出嚟，我睇唔到司長可以做一個點樣嘅決定」。
八日無回家，阿榮言談間對在家中的兩個兒子有牽掛，「我年年都有帶佢哋去重要嘅遊行好似六四7.1，清楚爸爸做緊啲乜， 但我諗佢哋好想我返去」。太太曾與兒子到現場探望，又會帶補給前來，「好多謝太太幫手照顧兩個仔」。