唔講唔知道，原來今年呢一季，其實有好多電腦遊戲推出，大作有曾經迷倒不少港人的《模擬市民4》(SIMS 4)，又有《FIFA15》，未來又有《戰地風雲：Hardline》同《刺客教條：大革命》。
同幾位Game舖店長傾開，原來近日同樣以創建自己城市的策略遊戲《千軍萬法》（Endless Legend），相當好賣，遊戲的故事背景，講玩家係隨機生成的地圖上，透過外交、經濟、軍事、文化等手段征服對手，要為星球毀滅前，找到新出路，聽落同佔中人士靠「雨傘革命」求存，似模似樣，難怪隻Game推出一排，今日已經無得賣。
其實近排都有唔少遊戲同反抗有關，例如將會有得玩的《刺客教條》，正是以充滿暴政的法國大革命為背景，今次仲可以4人組隊，而推出半個月的《戰慄深隧終極版》(Metro Redux) ， 則以核戰爆發後做背景，一班年輕人劫後餘生，在莫斯科地鐵站中，學習如何突圍求生。
記者：童傑