台灣酒店越來越高級，而這一次，終於有機會住下全台灣最貴高級的酒店。
5月開幕的台北文華東方酒店，位處松山區敦化北路上，環境寧靜，被喻為是台北超6星酒店，造價250億台幣冠絕全台。原址前身是中泰賓館，歷時8年重建而成，外表一副歷史建築的模樣，內裏卻是簇新而堂皇的氣派，樓底極高，到處都是藝術品佈置，搜集自世界各地共超過1,700件，高貴得來富濃厚藝術氣氛。酒店共303個客房，除開平均每間客房造價達650萬台幣，住一晚起碼4千幾蚊，堪稱台灣最矜貴酒店。客房亦算寬敞，最小也有592平方尺，大過我屋企。客房不單止大，而且貼心，開門一刻房間冷氣、燈光全部自動打開；如要執房，只要按下房中的「打掃房間」鍵，職員便從隨身的iPod Touch 收到信息馬上到來打掃，甚有效率。
平時出差住酒店，一係行程太緊密，一係晚上要寫稿，早上總係起唔到身食早餐，但文華的早餐堅係要食，自助早餐唔在講，a la carte menu上竟然仲有鮑魚粥，端上來5隻鮑魚在粥面圍成一圈勁富貴，此刻，無價！意大利餐廳Bencotto由米芝蓮三星意藉總廚Mario cittadini領軍，擅於利用本地新鮮食材創作別出心裁的意大利菜，正宗得來亦有本土特色。至於Jade Lounge則是酒店王牌Afternoon Tea名店，酒店未開幕已預訂至9月，唔住都要食，奉勸要食，趁早訂！
台北文華東方酒店
地址：台北敦化北路 158 號
網址： http://www.mandarinoriental.com/taipei
記者、攝影：曾冠輝